الك شفتين تكتل ولعني
واحس بنار كلبي ولعني
شنو مسودن وكلك ولعني
(لو شارب نفط وجنون بيه)
آنا الميكظني الف ساتر ولاحجاب
وعوذه الماتغيرني ولاحجاب
اله شال الشلع كلبي وله حجاب
(طركاعه من يلبسه اطيح بيه)
اريد الزم خديدك واشتمنه
واريد العن ابيك واشتمنه
تدري شراد كلبي واشتمنه
على صدرك اموت وهاي هيه
لأجل عينك اشد رتبة ملازم
يل بحبك اضل اطبع ملازم
اذا متريدني اتركني ملازم
الف غيرك يذب روحه عليه
انا الصياد صادتني شبكتك
دخيل الله شكثر حلوه شبكتك
ادك اعليك مشغوله شبكتك
واضن مغلق جهازك بس عليه
