]
زهيري
]
.*********************
يا طيب الريح ريحك من نشمه ورد
ضعت بدلالك وكلبي علمصايب ورد
من ايدي القلم سار خط الحروف عني ورد
يمتا انتلاكه روحي رايدة مواصلك
اني بالانبار وانت ساكن بموصلك
صدكني ماجيك يم بابك بعد موصلك
ملتني الناس من كد ما اروح وارد
زهيري
يانايم الليل جفني والمنام عداي
بحلامك اتيه واني على الهموم عداي
لوعات منك شفت يامهجتي وعداي
صابر على الضيم بلجي على اليحبك ترد
ويجيبك اللال ومن دمع البيابي ترد
كل ما ادك هاتفك واكول انته ترد
مشغوله الخطوط وندب قسمتي وعداي
يامن من سنين عمري صغت الك لؤلؤه
دربك ياعيني عدل من يمنا للؤلؤه
انته بحياتك عشت مامرتك لؤلؤه
هل اكثر هموم ياهو اني اعد وانت اعد
يغفر الزلات كلبي للترف وانت عد
رغو الشباب انتثر ماضنتي وانت اعد
حبل الموده يرد بعد الكطع وللوه
ياصاح مرني بسنه ساعه ولو خاطري
تفرح بك الروح لوجيت ورحت خاطري
جرح البلكبود لاتضنه لتام خاطري
عاش اللي سماج ياسلوى وصدك سلوى
انتي شفاي ودواي وعلتي وسلوى
اصحاب موسى انكروا من منها وسلوى
ياناكر الطيب لخاطر عشكنا خاطري
*********************
الدهر ياصاحبي وياي خواني
ينكص عددهم شماعديت خواني
ويومن تنخيت محد كال خي اني
ربعك صفولك عدى وكتك صفى مصلحه
سله بغيابك لوصار كبلك مصلحه
ولو سو تفاهم بدر وي صاحبه مصلحه
وينساك لوتفرش الجفين خواني
**************************
مع تحيات
العبيدي ودموحار
اتمنا ان تنال اعجـــــــــــابكم
