رمشلي بس ترميش تلگاني يمك *** ومصدگه هيه الروح تگعد تشمك
ياولفي بس ترميش وانه الاخابر *** واتلف رصيدي وياك يبن الأكابر
لجلك نسيت الراح وبحبك اسرح *** اكتمهة للأسرار وعيوني تفضح
نشدت عليك الروح وتريدك بساع *** ماتدري بالمحبوب نايم حدر كاع
يلفيني ملك الموت لو ودعتكم *** ويوم ألقيامه يصير لو ما شفتكم
يحله العشك وياك تحله المشاعر *** ومصدكه هيه الروح عاشكه شاعر
مجروحة هاي الروح ودواهة يمهة *** والحل بسيط هواي بس ضحكة منهة
عين التود ملكاك ما تهوى الفراك صدكَني *** روحي عليك كل لحظة تشتاك
تاجرت ما خليت وبكلشي خسران *** بس خوة الطيبين بيها آنه ربحان
أحسب وأعد لحظات بس أرد اشوفك *** صدكني لو تنزار كل لحظة اطوفك
المجتمع يعكس لـيش حسن الرواية؟ *** يجعل الحب والذوق عيب وجنايـه
ألحمها وتطك ذيج وألحك تطك هـــاي *** مرجوحه عد زعطوط خلتني دنيـــاي
